Futboll Sport

KORONAVIRUSI/ Bjellorusia nuk “trembet” nga COVID-19, vijojnë të luhen ndeshjet e futbollit

Ndërsa kampionatet e futbollit në të gjithë botën janë ndërprerë prej krizës së koronavirusit, një në Europë vijon normalisht.

Në fakt “Vysheyshaya” bjelloruse nuk e vlerëson si të rrezikshme pandeminë dhe sezonin e kanë nisur në fund të javës së shkuar sipas axhendës së parashikuar. Të enjten, Energetik BGU mposhti BATE Borisovin 3-1, në ndeshjen që ngriti siparin e sezonit të ri dhe tifozët ishin normalisht në shkallët e stadiumit.

Presidenti i Federatës Bjelloruse të Futbollit, Vladimir Bazanov ishte i vendosur që kampionati të mos shtyhej.

“Për çfarë arsye nuk duhet të nisë? A ka një gjendje të jashtëzakonshme të shpallur në vendin tonë? Nuk ka situatë kritike, kështu që vendosëm ta nisim sezonin sot”, deklaroi ai javën e shkuar.

Bjellorusia ka 81 raste të konfirmuara të prekur nga Covid-19, një shifër e ulët në krahasim me shumicën e vendeve të tjera në Europë, ndërkohë që rasti i tyre i parë i infektuar u zyrtarizua më 28 shkurt. Deri tani nuk ka asnjë viktimë.

Related posts

POGBA NUK VJEN/ Barcelona ka gati alternativën për mesfushorin francezin

Isa.Autor

HYSAJ me shokë lajnë “mëkatin”/ Ja çfarë vlerësimi jep Ancelotti për skuadrën

Isa.Autor

ACAROHEN GJAKRAT/ KHABIB kërcënon ASHPËR UFC-në: Do ta lë këtë sport nëse nuk e lejoni…(FOTO)

Isa.Autor

Leave a Comment