Brenda pak orësh edhe Formula 1 është detyruar të ndalet për shkak të coronavirus. Njëri pas tjetrit kanë mbyllur dyert pistat e Australisë, Bahrein dhe Vietnamit. Në këto pista nuk do të garohet, duke bërë që starti i këtij sporti të jetë në dilemë.
Në Melburn situata ka qenë më dramatike, pasi kur pritej që të nisnin privat e lira, është marrë vendimi për të mos garuar. Shkak është bërë largimi i McLaren nga Melburni, pasi një mekanik rezultoi pozitiv.
Më herët ishin vet-izoluar 5 persona, 4 nga skuadra Haas dhe 1 nga McLaren, ndërkohë që me kalimin e kohës u bënë 8 rastet e dyshuara. Ndaj u mor vendimi për të anulluar garën edhe pse biletat ishin shitur prej kohësh (do të bëhet rimbursimi i tyre).
Pak minuta më parë Formula 1 mori vendimi për të anulluar edhe garat e Bahrein më 22 mars (mendohej të zhvillohej me dyer të mbyllura) e Vietnamit (5 prill). Formula 1 synon të nisë botërorin 2020 në fund të majit, duke qenë se dy javë më parë është anulluar edhe gara e Kinës (19 prill).