Emergjenca e krijuar nga coronavirus ka goditur edhe botën e futbollit. Në lidhje me atë që mund të ndodhë në javët e ardhshme, ka folur presidenti i CONI-t (Komiteti Olimpik Italian), Giovanni Malago.
“Dëgjoj shpesh njerëz pa asnjë kualifikim specifik që bëjnë parashikime në këtë situatë të tmerrshme që po jetojmë”, ka thënë Malago për Rai Uno.
“Është e qartë se gjithçka është në dorë të ekspertëve. Nëse me 3 prill do të shihet dritë në fund të tunelit, atëherë do të jetë e mundur të programohet, planifikohet një kalendar i ri i kompeticioneve kombëtare dhe ndërkombëtare”.
“Por jo varet nga ajo që do të ndodhë dhe, për momentin, nuk është e mundur të parashikohet”.