Juventusi fiton derbin e Italisë me Interin duke u rikthyer në krye të renditjes së Serisë A. Bardhezinjtë vulosën fitoren me golat e Aron Ramsejt dhe Paulo Dibalës. Skuadra e Mauricio Sarrit kryeson kampionatin me 63 pikë, kurse Inter ndalet në kuotën e 54 pikëve (me 1 ndeshje më pak) duke u larguar ndjeshëm nga titulli kampion.
Pjesa u parë u mbyll me rrjeta të paprekura teksa Handanoviç dhe Shezni u treguan në lartësinë e duhur duke frenuar goditjet e Ronaldos dhe Brozoviçit.
Por, në pjesën e dytë “Zonja e Vjetër” erdhi me moral tjetër dhe kaloi në avantazh në minutën e 54-rt. Më pas, Dibala erdhi nga stoli dhe realizoi një gol përrallor ndaj Interit. Më pas për Juventusin ishte gjithka e lehtë për t’u administruar.
