Koronavirusi po përhapet me shpejtësi, teksa të shumtë janë njerëzit që janë prekur, por edhe kanë ndërruar jetë.
Nuk mund të kalonte pa prekur edhe futbollin, teksa në Itali u vendos që ndeshjet e javës që lamë pas të luhen me dyer të mbyllura, si dhe ato të ardhshme deri ne 3 prill.
Megjithatë ky virus nuk ka prekur vetëm Italinë, teksa është vendosur që ndeshja e Ligës së Kampionëve mes PSG-së dhe Dortmundit të luhet me dyer të mbyllura. Sipas asaj që shkruan “The Sun”, ditën e sotme do të ketë një takim mes drejtuesve të federatës angleze dhe atyre të klubeve.
Pikërisht tema e diskutimit do të jetë Koronavirusi dhe rreziku që ajo përcjell. Ekziston mundësia që ndeshjet e ardhshme në Premier Ligë të luhen me dyer të mbyllura, teksa pritet të vijë edhe një vendim përfundimtar.
