Luka Joviç, sulmuesi serbi i Realit të Madridit, rrezikon deri 12 vite burg, për shkak se u kthye në Serbi në një moment kur masat kundër koronavirusit kishin filluar të merreshin nga autoritetet.
Siç raportojnë mediat serbe, Joviç u pa rrugëve të Beogradit ku shkoi për të festuar ditëlindjen e të dashurës së tij, pasi kishte dalë lajmi se lojtarët e Realit do të futeshin në karantinë sepse një lojtar i ekipit të basketbollit kishte rezultuar pozitiv në testin e COVID-19.
Mirëpo, pavarësisht se klubi Realit të Madridit raportoi një ditë me parë se 22 vjeçari kishte marrë lejen e nevojshme për t’u kthyer në vendin e tij, Joviç rrezikon të ndëshkohet si çdo njeri tjetër në rast se rezulton që ka shkelur rregullat e vendosura.
Për më tepër, Ministri i Brendshëm serb, Nebojsa Stefanoviç deklaroi: “Fakti se ata janë sportistë të njohur dhe të pasur nuk i shpëton nga ndëshkimi.
Të respektojnë ligjin, ose do të shkojnë në burg. Ata që thyejnë rregullat e karantinimit rrezikojnë burgim deri 12 vite burg.”
