Jo urrejtje, jo diskriminim! Mesazhi i Federico Bernardeschit është i fortë dhe i qartë. Ia beson fjalët dhe mendimet e tij Instagram: flet për Koronavirus për të prekur tema edhe më delikatë të ditëve të sotme, racizmin! Një plagë që bota e futbollit po impenjohet ta luftojë edhe tani.
“Një virus po dominon frikën tonë! Na terrorizon, kufizon lirinë tonë, na bën të përçmojmë tjetrin. i kemi mbyllur portet kujtdo, duke u tërhequr brenda rrethit tonë të besimit, duke kritikuar të tjerët në mëngjes në lokal apo në radhën e supermarketit gjatë vrapimit të çmendur për të marrë copëzën e fundit të bukës, që duhet të jetë e jona dhe e askujt tjetër, sikur të ishte fundi i botës”.
“Kemi vendosur të ofendojmë, të largojmë dhe dëbojmë! Kemi bërë që të vdesin gra dhe fëmijë, sepse në fillim vinte siguria jonë, pasuria dhe më pas jetët e tyre. Dhe tani jemi ne të dëbuarit, ata që diskriminohen dhe dëbohen, të mbyllur mes kufinjve të një vendi që vuan”.
“Kur e gjitha kjo të marrë fund, të mbajmë mend këto ditë, këtë vuajtje, këtë histeri që na ka shndërruar në kafshë vetëm nga instikti i mbijetesës, pa arsye, pa respekt për askënd. Ta mbajmë mend kur dikush tjetër të ketë frikë dhe të kërkojë ndihmë”.