Ka vetëm pak kohë te Barcelona, por Martin Braithwaite ka besim dhe i shpall luftë Realit të Madridit. Sulmuesi danez ka dhënë një intervistë së fundmi për “Mundo Deportivo”, ku ka folur edhe mbi luftën për titull.
Sipas 28-vjeçarit, Barcelona do të jetë ekipi që do të ngrejë trofeun në fund të sezonit. “Jam 100% i sigurt që do ta fitojmë La Ligën”, është shprehur Braithwaite, i cili është vendosur edhe në faqe të parë të gazetës për ditën e sotme.
Braithwaite u mor në mes të muajit shkurt si përforcim emergjent, pas dëmtimit të Ousmane Dembele. Për danezin, Barça derdhi në arkat e Leganes plot 18 milionë euro.
