Endri Çekiçi është duke kaluar një formë shumë të mirë me Olimpija Ljubjana në Slloveni, ku është kthyer në një nga lojtarët më të mirë te kjo skuadër.
Pogradecari shpesh na ka impresionuar këtë sezon me golat e tij, të cilët janë njëri më i bukur se tjetri. 23-vjeçari realizoi përsëri për ekipin e tij edhe në javën që lamë pas, teksa i dha fitoren Ljubjanës ndaj Aluminij.
Pikërisht për këtë, Çekiçi ka marrë edhe një vlerësim të rëndësishëm, që mund t’i japë shtysë të punojë akoma më fort në të ardhmen.
Çekiçi është zgjedhur në formacionin më të mirë të javës në Slloveni, që tregon për formën e mirë që po kalon ky futbollist, i cili tashmë shpreson edhe për një ftesë nga Reja për Kombëtaren.
