Markos Evanxhelista de Moraish, i njohur ndryshe si Kafu. Ishmbrojtësi ka dhënë një intervistë për mediat braziliane për të cilat ka komentuar situatën në Serinë A pas problemeve me Koronavirusin, teksa nuk u është shmangur pyetjeve në lidhje me Milanin dhe të ardhmen e klubit ku ka fituar gjithçka në karrierën e tij italiane.
VIRUSI – “Po e ndjek situatën me vëmendje dhe më vjen keq. Nga mënyra se si po përhapet virusi më duket e drejtë që stadiumet të mbyllen për publikun. Problemi është serioz dhe jam dakord me qeverinë kur vendos të lërë tifozët në shtëpi. Në këto çaste shëndeti meriton përparësi”.
IBRA – “Në të tilla rrethana Ibra mund të jetë një pikënisje për të ndjekur suksesin, sepse ka cilësitë teknike dhe mendore për të udhëhequr një skuadër. Ai është qendra e Milanit dhe me një fushatë të mirë përforcimesh, ekipi mund t’i krijojë probleme çdo kundërshtari”.
MILANI – “Milani mbetet Milan, por nga situata e krijuar duhet dalë sa më shpejt. Klubi ndodhet në mes të një cikli e duhet pritur të kalojnë disa kohë për të shijuar përsëri fitoret. Jam shumë i lidhur me Romën e Milanin të cilat janë skuadrat ku kam arritur gjithçka në karrierë. Të dyja kanë vend të veçantë në zemrën time dhe uroj të arrijnë sa më shpesh suksesin”.