Ndonëse aktivitete e shumta sportive janë pezulluar për shkak të Koronavirusit, kjo nuk i pengon drejtuesit e Barcelonës të punojnë për të përforcuar ekipin në verë.
Madje sipas asaj që shkruan “Sport.es”, katalanasit i kanë përcaktuar objektivat që do tentojnë në verë.
Në krye të listës katalanase, janë dy lojtarë nga kampionati francez. Bëhet fjalë për Ibrahim Sangare, i cili luan me Tuluz dhe për Bubakari Sumare, i cili aktivizohet me Lil.
Të dy këta futbollistë luajnë në repartin e mesfushës dhe pëlqehen shumë nga drejtuesit e Barçes, madje në total operacioni për të afruar të dy në skuadër nuk shkon më shumë se 35 milionë euro.
