Objektivi kryesor i Bayern Munchen në merkaton e verës, ashtu si në verën e shkuar është Lorey Sane. Futbollisti i Manchester City-t ishte shumë afër kalimit në Gjermani në gusht, por fatkeqësisht u dëmtua rëndë dhe qëndroi gjashtë muaj jashtë fushave.
Kampionët e Gjermanisë ishin gati që të paguanin deri në 100 milionë euro për kartonin e tij dhe diçka të tillë e ka zbuluar dhe vëllai i Karl Heinz Rummenigge, Michael.
“Bayerni donte të blinte Sanen për 90 deri në 105 milionë euro përpara këputjes së ligamentit. Tani ai mund të firmosë për shumë më pak, ndoshta kushton vetëm 45 milionë euro”, – tha ai.