Ideja e fundit që është hedhur në “tavolinën e diskutimit” ka të bëjë me ndërrimet ose zëvendësimet kur të rinisë sezoni. Shumë mendojnë se 3 ndërrime nuk mjaftojnë dhe në protokoll po kërkohet që numri të shkojë 5 për ndeshje, pasi do të luhet çdo tri ditë.
Por, nëse për ekipet e mëdha është një super avantazh, pasi kanë një organikë të gjërë dhe kjo do t’I ndihmonte të ndërronin qoftë edhe gjysmë skuadre në një ndeshje, duke hedhur në fushë më të freskët dhe cilësorë, ekipet e mesme dhe të voglat do të vuanin jo pak.
Jo vetëm kaq, por do të rrezikonin që gjithçka e mirë që do të bëhej në pjesën e parë mund të përmbysej në të dytën me ndërrimet e ekipit kundërshtar, që do të modifikonte dhe perfeksiononte një skemë që nuk kishte rezultuar produktive.
