Pak lajme ngushëlluese nga Spanja, lidhur me urgjencën e “Coronavirus”. Të prekurit dhe viktimat kanë kapur shifra të frikshme në vendin iberik, ku gjithçka është karantinuar prej gati një muaji. Edhe futbolli e ka ndalur hapin. Lajme aspak të mira vijnë që nadej edhe sa i takon rinisjes së mundshme të kampionatit të futbollit. Për t’i ngrirë të gjithë ka menduar drejtori i spitalit kryesor të Madridit, Antonio Zapatero, i cili tha për “Cadena SER”:
“Unë mendoj se është e pamundur që të mund të kthehemi në fushë këtë verë. Testi nuk është zgjidhja, ama zgjidhja do të varet nga rezultati i testit. Nëse zbuloni se nuk keni antitrupa, jeni të ndjeshëm ndaj infeksioneve.
Në periudhën asimptomatike, deri në dy ditë e gjysmë para simptomave dhe deri në gjysmë dite para fillimit të simptomave, ngarkesa virale është maksimale dhe mbajtja e distancës në fushë nuk është e mundur. Të luash futboll në muajt e ardhshëm, mendoj se është e pamundur”.
