Lukas Martinez Kuarta i River Plejtit është ndër mbrojtësit më të spikatur të kampionatit argjentinas e jo më kot Milani e ndoqi çështjen e tij për disa javë gjatë merkatos dimërore. Në fakt, për 23 vjeçarin kjo verë mund të jetë vendimtare për sa i përket transferimit në një ekip europian.
Lidhur më këtë mundësi ka folur menaxheri i qendërmbrojtësit që është pjesë edhe e kombëtares së Argjentinës. Duke folur për “calciomercato” Gustavo Goni tha: “Kam informacione se Milani ka dërguar disa vëzhgues në Argjentinë për të ndjekur ndeshje e Riverit.
Nuk e di nëse klubi italian interesohet për Martinez Kuartën, por nuk do të habitesha sidoqoftë sepse bëhet fjalë për një mbrojtës shumë të shpejtë e me teknikë të lartë.
Forca e tij e madhe është ideale për futbollin modern. Deri më sot nuk kam pasur asnjë kontakt me përfaqësues të Milani, por jam i bindur se e ardhmja e Kuartës do të jetë në një klub të madh.”