Shumë hipoteza janë hedhur dhe më e fundit ishte që Serie A të riniste në fund të muajit maj. Normalisht, ndeshjet do të luheshin pa tifozë, por edhe ky opsion duket i pamundur, të paktën sipas presidentit të Torinos.
Urbano Cairo pati një lidhje telefonike mbrëmjen e kaluar me “Ansa”, ku u shpreh se sipas tij rifillimi i kampionatit në fund të muajit maj është diçka e pamundur.
“Rifillimi i kampionatit në fund të majit më duket diçka e pamundur. Sot një njeri i shkencës foli dhe tha diçka që e kam mbështetur prej kohësh, thjesht sepse jam njohur me numrat dhe i kam parë me imtësi. Me situatën aktuale, nuk ka asnjë mundësi që gjërat të jenë rregulluar për 1 muaj e gjysmë dhe futbolli të rinisë. Për fat të keq. Dhe e theksoj fatkeqësisht, pasi dëshira ime normalisht është që gjithçka të rikthehet në normalitet dhe kampionati të rinisë.”
