Emergjencë shëndetësore, por edhe emergjencë ekonomike. Që kur topi ka ndaluar të rrotullohet, çështja e rrogave të futbollistëve në të gjithë botën është kthyer në temë dite dhe ka ngjallur mjaft diskutime.
Mes atyre që kanë shkurtuar rrogën dhe atyre që ende janë diskutuar, ka edhe raste kur klubi nuk ka asnjë qindarkë dhe ka shkarkuar të gjithë stafin dhe futbollistët!
Eshtë rasti i Deportivo Coopsol, klub i kategorisë së dytë në Peru që me një letër ka shkarkuar të gjithë. “Për shkak të emergjencës nuk i paguaj dot më”, tha presidenti Freddy Ames. Por, premtimi është se do t’I rimarrë në punë sërish kur gjithçka të ketë mbaruar.
