Presidenti i FIGC, Gabriele Gravina, ka sqaruar se përparësia e futbollit italian nuk ndryshon: “Prioriteti absolut është përfundimi i kampionateve kombëtare. Hipoteza është të rifillojmë nga 20 maji, ose në nisje të qershorit, për të përfunduar në korrik. A përfshin ky plan edhe muajin gusht dhe shtator? Unë kam saktësuar se do të më vinte keq të marr përsipër rrezikun e kompromentimit të një sezoni tjetër për të shpëtuar këtë.
Çështja e titullit? Ne duhet të vendosim nëse do ta caktojmë apo jo, nëse nuk përfundon kampionti. Por, Juventusi (kryesuesi aktual) nuk e pëlqen titullin në tavolinë. Ndeshje asnjanëse? Nuk është zgjidhje e mirë, por mbetet një ide për të cilën po punojmë. Ne po mundohemi të identifikojmë katër, ose pesë mundësi”.
Mundësia që sezoni të mos mbarojë, megjithatë, është ende e pranishme: “Unë mendoj se anulimi i gjithçkaje është mjaft e komplikuar. Do të kishte një padrejtësi serioze, që do të krijonte probleme ligjore gjatë një emergjence epidemiologjike. Përfundimi në gjykatë nuk do të ishte një akt me përgjegjësi të madhe në kësi rastesh”.
