Portierja e Suedisë, Heduing Lindal ka zbuluar një kërcënim tronditës që mori përmes “Instagramit” nga një person që luante shumë baste në Amerikë, gjatë Kupës së Botës për femra në 2019 në Francë.
“Do ju përdhunoj, do ju masakroj dhe do ju pres aortën, ndërkohë që ju jeni në gjumë.”, ishte mesazhi që Lindal që kishte marrë asokohe.
Siç mund të ndodhte edhe me çdo femër tjetër edhe portierja 37-vjeçare u frikësua shumë nga këto, teksa shprehet se këto i shkaktuan edhe probleme asaj. “Thjesht në vëmendjen ime atëherë ishte se si do më vrisnin dhe si ishte planifikuar diçka e tillë.
Unë e denoncova atë në polici dhe u zbulua dy muaj më parë se kush ishte. U lehtësova kur zbulova që ai person ishte vetëm pas mesazheve dhe kishte lidhje me bastet. Duhet të jesh i çmendur që të bësh diçka të tillë.”, u shpreh suedezja.
