Futboll Sport

EPISODI ME RONALDIONHON/ Ish-futbollisti i Catanias: Më dhuroi fanellën, vetëm që të mos e godisja

Ronaldinjo dhuronte spektakël në fushën e lojës dhe për kundërshtarët ishte një makth i vërtetë ta kontrollonin atë. Ndaj, shpeshherë mënyra më e mirë për të ndalur “magjinë” e brazilianit, ishin shqelmat.

Kështu, ish-futbollisti i Katanias, Pablo Alvarez tregon një episod me Ronaldinjon në kohën kur ky i fundit aktivizohej me Milanin.

“Pasi përfundoi pjesa e parë mes Milanit dhe Katanias në San Siro, teksa po shkonim në dhomat e zhveshjes, në tunel më afrohet Ronaldinjo.

Heq fanellën dhe ma jep, ndërsa më thotë: “Merre Alvarez, por të lutem mos më godit më”. Ai ishte një futbollist të cilin e kishe të pamundur për ta ndalur, një nga më të mirët në histori”, u shpreh ish-mbrojtësi.

Por, Alvarez gjatë karrierës së tij ka pasur mundësinë të përballej edhe me Mesin teksa është aktivizuar në La Liga me Real Zaragozën. “I thashë Mesit se ishim patriot dhe që ai nuk duhej të më bëntë të dukesha keq.

Filloi të qeshte me të madhe, në fund ia dola që të kem në koleksion edhe fanellën e tij. Më e vështirë të markoje Mesin apo Ronaldinjon? Në atë mbrëmje Mesi luajti në krahun tjetër të fushës dhe nuk pata probleme. Dinjo ishte i pandalshëm”, u shpreh Alvarez.

Related posts

REKORDI/ Dymbëdhjetë shënues, Chelsea kampion i gjeografisë së golave

Delo.autor

HISTORI FRYMËZUESE NGA CHELSEA/ U diagnostifikua me kancer, por nuk u dorëzua dhe arriti në finalen e Champions-it

Delo.autor

Tifozët e skuadrës italiane: Përse vdes Astori e jo Masiello?

Q.Autor

Leave a Comment