Ish-sulmuesi argjentinas, Martin Kardeti ka bërë një deklaratë bombë duke u shprehur se do të zgjidhte brazilianin Ronaldinjo në formën e tij më të mirë në vend të bashkëkombësit të tij, Lionel Mesi.
Edhe pse ka luajtur vetëm një vit te PSG-ja me Ronaldinjon, Kardeti është i bindur për zgjedhjen e tij, pavarësisht se bëhet fjalë për një krahasim me 6 herë fituesin e Topit të Artë.
“Po të isha trajner, unë do të preferoja Ronaldinjon në formën e tij më të mirë në vend të Mesit. Kam kaluar një vit me Ronaldinjon te PSG-ja dhe është një lojtar ndryshe. Ai është i bekuar nga zoti.
Ai gjithmonë argëtohej. Bënte gjithmonë gjëra të bukura me topin dhe praktikohej shumë, në mënyrë që t’i bënte këto gjëra të bukura dhe gjatë ndeshjeve,” tha argjentinasi për “Crack Deportivo”.
