Antonio Kasano thotë se PSG-ja do ta blejë Mauro Ikardin për 70 milionë euro, duke shtuar se edhe po të kthehet nga huazimi argjentinasi nuk do të luajë për Interin më.
“Unë e kam të sigurt që Ikardi nuk do të luajë më për Interin. Është shumë e vështirë që ai të veshë përsëri bluzën zikaltër edhe nëse kthehet nga huazimi. Unë mendoj se PSG-ja do e blejë atë, duke derdhur në arkat e Interit 70 milionë euro. Ky është një çmim që për atë lojtar ia vlen.
Vlera e tij mbetet e pa ndryshuar ndonëse pas vështirësive të Koronavirusit nuk dihet kush mund ta përballojë. E sigurt është që ai nuk do të luajë më për Interin.”, u shpreh Kasano.
Kujtojmë se Ikardi është në huazim te PSG-ja deri në fund të sezonit nga Interi, me të drejtë blerje, pro kohët e fundit kanë qarkulluar lajme se francezët nuk kanë ndërmend ta blejnë përfundimisht sulmuesin.
