Interi do t’i rinovojë kontratën kapitenit të tij Samir Handanoviç.
“Corriere dello Sport” shkruan se klubi zikaltër do të vazhdojë bashkëpunimin me futbollistin slloven përtej vitit 2021, por nuk saktësohet se për sa vite do të qëndrojë 35-vjeçari në “San Siro”.
Handanoviç synon të kalojë numrin e paraqitjeve me Interin të ish-portierit të famshëm italian Valter Zenga, i cili numëron 328 ndeshje me fanelën zikaltër. Handanoviç ka luajtur për Interin në 279 ndeshje dhe nëse aktivizohet si titullar edhe sezonin e ardhshëm atëherë ai do ta kalojë Zengën.
