Kriza ekonomike e krijuar nga pandemia coronavirus ka goditur edhe Brazilin.
Në shtëpinë e Flamengo-s do të jetë i pashmangshëm shkarkimi i një numri të madh punonjësish. Pasi ka çuar me ‘pushime të detyruara’ disa vartës, klubi kuqezi duket se do të marrë masa të mëtejshme.
Deri tani janë shkarkuar 10 persona dhe, sipas Globoesporte, do të arrihet në 62 brenda kësaj fundjave. Objektivi i Flamengo-s është që të kursejë 3 milionë realë, të barabartë me rreth 500 mijë euro.
Megjithatë, klubi ka garanatuar se këto masa nuk do të arrijnë të prekin 10% të të gjithë punonjësve, rreth 1000 persona në varësi të klubit.
