Ndërkohë që Nejmar Xhunior po argëtohet jashtë fushës së blertë duke ndjekur pasionet e tij (pokeri një prej tyre) rikthimi në Barcelonë duket një mision i vështirë.
Kështu mendon mesfushori i PSG-së, Leandro Paredes. Argjentinasi thotë se sulmuesi do të qëndrojë dhe ndihet shumë mirë në Paris.
“Nuk ka asnjë arsye që Nejmar të largohet. Ai është pjesë e rëndësishme e PSG-së dhe do të vazhdojë të qëndrojë për t’u rritur së bashku dhe për të synuar objektivat e mëdhenj. Ai mund të bëjë diferencën në çdo moment”, thotë Paredes.
