Stefano Pioli pritet të largohet nga drejtimi i Milanit pas përfundimit të sezonit, me drejtuesit kuqezi që kanë vendosur t’i besojnë stolin e skuadrës trajnerit gjerman, Ralf Rangnik.
Megjithatë Pioli nuk pritet të qëndrojë për shumë kohë pushim, edhe nëse largohet nga “Djalli”. Sipas asaj që shkruan “Tuttosport”, Torino do të ketë një trajner tjetër sezonin e ardhshëm dhe një alternativë është pikërisht tekniku aktual i Milanit.
Pioli pëlqehet shumë nga drejtuesit torinez dhe e kanë projektuar atë në krye të skuadrës për vitin tjetër. P
ër hir të së vërtetës me kuqezinjtë Pioli arriti rezultatet shumë të mira, duke parë fillimin e sezonit ku skuadra kishte vështirësi dhe probleme të shumta nën urdhrat e trajnerit Marko Xhampaolo.
