Futboll Sport

RRËFEN ÇMENDURINË E RONALDINHOS/ Maxi Lopez: Një ditë më theu derën e dhomës…

Ai po mundohej të integrohej, sepse ishte hera e parë që e linte Amerikën e Jugut. Maxi Lopez, fatmirësisht për të, gjeti një pritje të shkëlqyeshme te Barcelona. “Unë mbërrita te Barça, – kujton sulmuesi aktual i Crotone për “Mundo Deportivo”. – Aty qe përvoja ime e parë në Europë, pasi kisha luajtur vazhdimisht në Argjentinë. Kisha qenë vendimtar në “Superclasico”, me ekipin tim, River Plate. Ne e fituam atë ndeshje, vetë bëra një paraqitje të shkëlqyeshme, çka më hapi dyert e gjera të Europës.

U bashkova me një ekip, ku luanin shumë lojtarë të rëndësishëm. Pra, pata fatin të luaj edhe përkrah Ronaldinhos, një kampioni të vërtetë. Ai më ndihmoi shumë në ambientimin te Barcelona, si brenda dhe jashtë fushës. Në fillim ishte shumë i vështirë integrimi, kuptimi dhe shkrirja në dinamikën e grupit”.

Pastaj, Ronaldinho mendoi për “prishjen” e këtij raporti: “Një herë u ktheva i lodhur në shtëpi, nga stërvitja. Kur mbërriti ai, shkelmoi derën për të hyrë dhe më nxori jashtë. Ne shkuam për darkë së bashku dhe ai më prezantoi me qytetin. Ronaldinho ka qenë gjithmonë i tillë, me të gjithë shokët e skuadrës. Një njeri që të bënte pjesë të gëzimit të tij brenda fushës dhe në jetën e përditshme.

Krijuam një grup shokësh me të vërtetë të mirë, me të ruajmë kontaktet edhe sot. Bashkë me mua mbërritën aty Rafa Marquez, Guly, Thiago Motta, Belletti. Ishim shumë të afërt, një grup fantastik, që arriti rezultate të mira në fushë”.

Related posts

BROJA LA FUSHËN I DËMTUAR DHE ALARMON TIROZËT/ Trajneri i Southampton: Nuk do luante të martën gjithsesi…

Delo.autor

Përballjet e Ligës së Kombeve/ PANUCCI rikthen në Kombëtare 2 SUPER mesfushorë

Isa.Autor

Lëvizja e fundit, hapet rruga për transferimin e Grezdës?

Sadik.Autor

Leave a Comment