Pas vëllait të Thomas Strakoshës, në lidhje me deklaratën bombastike të ish-futbollistit Masimo Brambati, i cili aludoi se gardiani shqiptar ishte me Koronavirus, së fundmi ka qenë, mjeku i Lacios, Ivo Pulcini, i cili në një prononcim për “Radio Radio”, ka sqaruar të vërtetën në lidhje me shëndetin e Strakoshës, duke mohuar kategorikisht, që Thomasi të ketë rezultuar pozitiv me koronavirus.
“Përse nuk vjen në vendin tim ky zotëria që na akuzon. Tani e tutje unë do ta quaj atë “doktori Fake News”. Janë gënjeshtra që ofendojnë jo vetëm personin në fjalë por edhe organizatën tonë dhe stafin mjekësor të Lacios. Nëse më japin leje, nga tani e tutje, do të përdor tamponin për të mbyllur gojën e gjithsecilit”, u shpreh mjeku social i Lacios.
