Ditë zie në klubin e Mançester Siti. Është ndarë nga jeta në moshën 73-vjeçare ikona, Glajn Pardoe, i cili akoma dhe sot vazhdon të mbetet i veçantë për arritjet e tij tek “qytetarët”.
Klubi anglez ka ndarë sot me tifozët hidhërimin e vdekjes së mbrojtësit legjendar, i cili mban me vete shumë histori duke filluar me rekordin që nuk është thyer akoma.
Ai ishte lojtari më i ri që ka debutuar në një ndeshje zyrtare me Sitin. Ish-mbrojtësi i majtë debutoi në ndeshjen kundër Birmingham, në prill të vitit 1962, vit ky kur ai ishte vetëm 15 vjeç e 341 ditë. Glajn ishte pjesë e “qytetarëve” në kohën kur ata fituan titullin kampion të dytë në historinë e klubit. Ai gjithashtu ishte autori i golit në finalen e Kupës së Anglisë në vitin 1970.