Tirana zhvilloi ditën e sotme stërvitjen e fundit, në prag të sfidës ndaj Bylisit, që është planifikuar të zhvillohet ditën e nesërme në orën 17:00, gjithmonë në rast se situata kaotike për sa i përket Koronavirusit nuk përkeqësohet.
Një suprizë e këndshme iu rezervua sot skuadrës bardheblu, nga tifozët. Teksa lojtarët dolën për t’u stërvitur, te pjesa përballë ishin vendosur 2 banderola ku shkruhej: “Luftoni për ngjyrat, luftoni për kryeqytetin”, si dhe “Luani me kokën lartë, bashkë për të 28-in”.
Kujtojmë që Tirana është shumë pranë fitimit të titullit kampion, teksa udhëheq me 9 pikë diferencë nga ndjekësit e Kukësit, kur kanë mbetur edhe 10 javë për t’u luajtur.
