Interi ka vendosur të ndëshkojë Milan Skrinjarin pas kartonit të kuq që mori kundër Sasuolos në barazimin 3-3. Zikaltërit nuk ishin të kënaqur me mbrojtësin e tyre pasi sllovaku do duhet të mungojë në sfidat kundër Parmës, Breshias dhe Bolonjas.
Skrinjar u pezullua me tre ndeshje nga federata italiane si dhe u gjobit me 10 mijë euro. Por, si të mos mjaftonte ky dënim i federatës mbrojtësin e ka gjobitur edhe klubi i tij Interi.
Komisioni i Disiplinës e dënoi Skrinjarin pas fyerjeve që ai bëri në drejtim të gjyqtarit dhe Interi ka vendosur të mos e apelojë vendimin.
Gjithashtu, zikaltërit do ta gjobisin mbrojtësin e tyre sipas rregullave të brendshme të skuadrës.