Ish-mesfushori i Inter-it, Freddy Guarin, është kapur në kamera i mbuluar në gjak duke u larguar nga policia pas një sherri me prindërit e tij në Kolumbi.
34-vjeçari luan aktualisht me Millonaros.
Sipas gazetës El Pais në Kolumbi, familja e Guarin ka thërritur policinë dhe e ka akuzuar atë se ka sulmuar babanë e tij dhe disa pjesëtarë të tjerë të familjes.
Videoja e publikuar nga BluRadio Colombia tregon Guarin që largohet nga policia, me njolla të qarta gjaku në pantallonat e tij. Nuk është e qartë nëse gjaku është i tiji apo i dikujt tjetër.
Një tjetër video ka dalë me Guarin jashtë një spitali, ku policia dhe stafi i spitalit e kanë shtruar me forcë.
Guarin ka luajtur me Inter-in nga 2012-ta në 2016 -ën, kur është shitur te Shanghai Shenhua.
