Çezare Prandeli ka vlerësuar kontributin e Zlatan Ibrahimoviçit në radhët e Milanit. Ish-trajneri i Romës, Fiorentinës, por edhe i kombëtares italiane në një deklaratë për “Sportmediaset” ka sqaruar këndvështrimin e tij duke deklaruar:
“Pioli është një trajner i zoti dhe ka shumë përvojë për momentet e vështira brenda një ekipi. Me Ibrën pres një Milan ndryshe ndaj SPAL-it. Edhe pse thuajse 39 vjeç, ai ka treguar se si mund ta ndihmojë ekipin.
Nuk e di nëse do të qëndrojë te kuqezinjtë, por nëse klubi konfirmon Piolin, suedezi do të jetë i pari në listën e trajnerit. Nëse në pankinën e Milanit vjen dikush tjetër, atëherë Ibra do të kishte më pak hapësira”.
