Bajern Mynih fitoi titullin e tetë rresht kampion në Bundesligë. Skuadra bavareze nuk fali as në javën e fundit pasi mundi thellë 4-0 në transfertë Volsburgun. Golan erdhën nga Koman dhe Kruisance në pjesën e parë, ndërsa në të dytën realizoi Levandovski me penallti dhe Myler në fund.
Por në këtë sfidë u dallua më shumë asisti sesa goli i Mylerit. Gjermani asistoi për Kruisancën në pjesën e parë duke rregjistruar asistin numër 21 në një sezon të Bundesligës. Myler tashmë është futbollisti me më shumë asiste gjatë një sezoni të Bundesligës pasi theu rekordin që mbahej nga De Bryjn në sezonin 2014-2015 kur luante për Volsburgun.
Mesfushori që tani luan për Mançester Sitin në Angli rregjistroi 20 asiste gjatë një sezoni në Bundesligë dhe e mbajti rekordin deri në përfundimin e ndeshjes së sotme të Bajernit ku Tomas Myler arriti të ja thyente rekordin belgut.
