Timo Verner luajti ndeshjen e tij të fundit me Lajpcigun pasi do transferohet tek Çelsi në Premier Ligë. Sulmuesi gjerman realizoi një dopietë në fitoren 2-1 që skuadra e tij arriti në javën e fundit të Bundesligës kundër Augsburgut.
Me këto dy gola të shënuar Verner u bë golashënuesi më i mirë i Lajpcigut edhe pse është 24-vjeç. Gjermani arriti shifrën e 28 golave me Lajpcigun këtë sezon, ndërsa ka shënuar në total 95 gola në 159 ndeshje.
Sezonin tjetër Verner do luajë në Premier Ligë pasi ka arritur marrëveshje me klubin e Çelsit ku dhe do jetë më i paguari në skuadër.
