Boksieri britanik Dilan Uait befasoi mbarë botën me prononcimin e tij të fundit duke thënë se ish-boksieri Majk Tajson mund të vdesë në ring përballë kampionit Tajson Fjuri.
“Është diçka absurde. Majk Tajsoni mund të vdesë në ring. Ka shumë thashetheme për një ndeshje midis një 31-vjeçari dhe një 53-vjeçari. Është diçka që nuk ka kuptim dhe s’të inkurajon aspak. Po nëse Majku vdes në ring?! I kemi hedhur shumë baltë këtij sporti, nuk kemi nevojë për diçka të tillë. Është diçka pozitive që një njeri të bëjë një video në ‘Instagram’, por të kthehesh pas kaq kohësh dhe të duelosh për 12 raunde është diçka komplet tjetër. Në moshën e Majkut trupi të detyron të bësh diçka, kurse mendja të shtyn të bësh tjetër gjë. Ai mund të lëndohet keq, kjo më shqetëson.
Majk, je një legjendë e gjallë. Vazhdo të jesh i tillë”, deklaroi ish-kampioni i botës në peshat e rënda për kategorinë WBC.