Juventus ka fituar derbin me rezultatin 4-1, por nuk ka qenë një ndeshje e lehtë për ekipin e Sarri-t.
“Nuk ishte një ndeshje e lehtë, por e dinim”, ka thënë trajneri i bardhezinjve për Sky Sport.
“Kemi kaluar menjëherë në avantazh, me pas kemi dyfishuar. Penalltia na ka bërë që të humbim pak kontrollin e ndeshjes dhe në pjesën e dytë nuk kemi qenë shumë të qartë”.
“Dybala? Kemi një marrëdhënie të mirë, të drejtpërdrejtë. Nuk ka pasur kurrë dyshime për të, edhe kur sezonin e kaluar nuk ka shënuar shumë. I kam thënë gjithmonë atë që mendoj në lidhje me mënyrën si duhet të luajë dhe ai më thotë atë që mendon”.
“Në fundin e ndeshjes CR7 më tha “Më në fund” dhe mendoj se e priste prej një kohe të gjatë këtë gol”.
