Ish-futbollisti i Barcelonës e humbet toruan drejtpërdrejt në RMC dhe ngre insinuatA se Leo Messi është autik, kur përpiqet të shpjegojë problemin e francezit Griezmann te Barça: “A ka frikë Griezmann nga ai? A mund të kesh frikë nga një njeri, që është 1.50 e gjysëm autik? Ai mund ta fusë Messin në gojë (ta hajë të gjallë) nëse ka ndonjë problem”. Një deklaratë e fortë e Christophe Dugarry, bërë për “RMC Sports”. Po ashtu, një deklaratë raciste, që mund të shkatojë polemika globale, sepse mijëra njerëz vuajnë nga ky çrregullim mendor. Ama, ish-lojtari i Barcelonës e sulmoi direkt yllin argjentinas, kur u pyet për situatën që po përjeton bashkëkombësi i tij në “Camp Nou”.
Dugarry, i mësuar të përdorë gjuhë të qartë e të drejtpërdrejtë kur shpreh mendimin e tij, gjithashtu akuzoi trajnerin e Barçës: “Ai është një trajner jo i mprehtë. Setien është njeri shumë miqësor, por nuk ka nivelin, nuk di se si të vendosë rregull te Barcelona. Ai është tërësisht i mërzitur nga situata. Jam i sigurt se ai nuk ka asgjë kundër Griezmann, thjesht është i paaftë”.
Trajneri “cantabrian” pranoi në një konferencë për shtyp se do të fliste me lojtarin e tij, pasi e kuptoi zhgënjimin e aktivizimit në minutën e 90-të ndaj Atletico Madrid. Situata që u krijua rreth nënshkrimit të yllit të Barcelonistas verën e kaluar po e gërryen figurën e Quique Setién, i cili tashmë ka problem me grupin e lojtarëve veteranë, me dhomën e zhveshjes. Do të shohim impaktin që do të kenë këto fjalë “helm” të Dugarry brenda skuadrës Blaugrana.
