“Kavalieri i bardhë”, ky është titulli i të përditshmes franceze “L’Equipe”, që i referohet trajnerit të ri që del në skenë për të marrë drejtimin e Barcelonës. Bëhet fjalë për një emër të madh të futbollit francez, Lorent Blank, ish trajneri i PSG dhe përfaqësueses
“L’Equipe” është në të njëjtën linjë me mediat spanjolle, fati i Kike Setien është i shkruar, në përfundim të këtij sezoni nuk pritet të jetë më në krye të Barcelonës.
Drejtuesit e klubit blaugrana kanë nisur prej kohësh të mendojnë për pasuesin e tij, emrat që kanë qarkulluar së fundmi janë nga më të rëndësishmit, por për herë të parë lakohet edhe emri i Blank. Gjithnjë sipas të përditshmes franceze, Erik Abidal, drejtori teknik i Barçës, e pëlqen shumë ish trajnerin e PSG.
Të dy kanë një lidhje të ngushtë, njihen prej kohësh dhe pikërisht ky fakt mund të afrojë Blank në stolin e gjigandëve spanjoll. Blank është thjeshtë emri i radhës që del në skenë pasi deri në fund të sezonin do të dëgjojmë shumë për pasuesin e Kike Setien.
