Drejtori sportiv i Interit, Bepe Marota po shpreson që Çelsi të bëjë një ulje për Emerson Palmierin, por Antonio Konte nuk është se pret ndonjë favor nga ish-ekipi i tij. Pasi siguruan shërbimet e Hakimit nga Real Madrid, tashmë zikaltërit po mendojnë për krahun e majtë të mbrojtjes.
“Tuttosport” pretendon se Inter ka arritur një marrëveshje personale me ish-lojtarin e Romës, i cili dëshiron një rikthim në Itali. Emerson ka pasur vështirësi të gjejë vend në formacionin e Lampardit, dhe një rikthim në Serinë A mund të jetë i duhuri.
“Tuttosport” pretendon se nuk është arritur marrëveshja mes dy klubeve, pasi Interi po kërkon një ulje çmimi për Emersonin por Çelsi nuk pranon.
