Mançester Junajtid është gati të bëjë një ofertë të fundit për lojtarin e Dortmundit, Xhejdon Sanço. Kjo ofertë do jetë si një lloj ultimatumi pasi do jetë e tipit pranoje ose refuzoje me klubin anglez që nuk ka ndërmend të bëjë më tentativë tjetër për Sançon nëse oferta e tyre e fundit refuzohet.
Sipas “Star” Mançester Junajtid nuk ofron më shumë se 80 milionë euro për Sançon, kurse Borusia Dortmund kërkon 100 milionë euro për 20 vjeçarin. Zyrtari i Mançester Junajtid, Ed Uoudard e ka cilësuar pretendimin prej 100 milionë eurosh të Dortmundit për Sançon të paarsyeshëm për kushtet në të cilat ndodhemi prej krizës nga pandemia.
Trajneri i “Djajve të Kuq” Ole Gunar Solskjaer i ka kërkuar klubit të arrijnë sa më shpejt një marrëveshjë me Dortmundin për Sançon, në mënyrë që talenti anglez të stërvitet me skuadrën para fillimit të sezonit të ri.
