Një problem tjetër mund të lindër për Matthijs de Ligt. Holandezi e mori veten dhe po dhuronte paraqitje të mira te skuadra e Juventusit, por iu desh të ndalej sërish. Ai ka të njëjtin dëmtim që e shqetëson që nga muaji nëntor.
Corriere di Torino ngre alarmin se futbollisti mund të detyrohet të operohet për shkak të problemit që e shqetëson prej kohësh. 21-vjeçari mund të detyrohet të operohet dhe të humbasë fundin e sezonit dhe Champions Leaguen.
Mungesa e tij në ndeshjen ndaj francezëve do të ishte një humbje e madhe, pasi i riu është një nga futbollistët më në formë të Juves. Ai e nisi sezonin keq, por pas pandemisë ka dhuruar ndeshje shumë të mira.
