Në konferencën për shtyp në prag të gjysmëfinales së Kupës së Anglisë që Manchester City do të luajë të shtunën në mbrëmje kundër Arsenal-it, Pep Guardiola ka dalë në mbrojtje të David Luiz, i cili është kritikuar shpesh gjatë këtij sezoni.
“Kam një respekt të madh për karrierën që ka bërë. Është një lojtar i madh dhe ka një mentalitet të madh. jam i befasuar se shumë kritika kundrejt tij vijnë nga disa ish-futbollistë. Duket se ata nuk kanë bërë kurrë gabime”, ka thënë Pep.
Më pas ka saktësuar: “Nuk kam thënë kurrë se vendi i dytë në premier League është më i rëndësishëm se Kupa e Anglisë. Kam thënë se kualifikimi në Champions është thelbësor, por ky kompeticion është një nga më të bukurit në botë. Anglishtja ime duhet të jetë përkeqësuar”.
