Drejtori sportiv i Bayern Munich, Hasan Salihamidzic, ka theksuar se bavarezët nuk shikojnë përtej ndeshjes që do të luajnë në Champions League kundër Chelsea-t.
Bayern e ka fituar me rezultatin 3-0 ndeshjen e parë të 1/8-ave kundër londinezëve.
Megjithatë, Salihamidzic ka thënë se:
“Mendoj se duhet të përqendrohemi te ndeshja e radhës. Është një pengesë që duhet ta kalojmë, vetëm më pas mund të mendojmë për skuadrat me të cilat do të na duhet të përballemi”.
“Është e qartë se ndeshjet nuk do të jenë aspak të lehta. Ne mendojmë vetëm për Chelsea-n”.
“Duhet të përgatitemi për këtë ndeshje me besim në vete, natyrisht, por nuk mund ta nënvlerësojmë Chelsea-n”.
Fituesja e Bayern-Chelsea do të përballet në çerekfinale me fituesen e Barcelona-Napoli.