Në Gjermani janë të sigurtë: Borussia Dortmund është pranë firmës me talentin adoleshent të Birmingham City, Jude Bellingham (kontratë 5 vite gati me verdhezinjtë).
Lajmi është raportuar nga prestigjozja “Bild”. Në gusht, Bellingham theu rekordin e ish sulmuesit të Anglisë, Trevor Francis, si lojtari më i ri i Birmingham, kur bëri debutimin e ekipit të tij të parë në moshën 16 vjeç dhe 38 ditë. Ai shënoi fituesin kundër Stoke në debutimin e tij në shtëpi.
BBC Sport megjithatë nënvizon se ende asgjë nuk është bërë zyrtare dhe se familja e djaloshit ka kërkuar kohë për të reflektuar. Sidoqoftë, mendohet se ka një kontratë pesë-vjeçare dhe një tarifë transferimi prej rreth 23 milion eurosh që do të lejojë 17-vjeçarin Bellingham të transferohet në Gjermani.
Bellingham ka qenë një nga lojtarët e rinj më të kërkuar në Evropë këtë verë. Manchester United ishte pranë firmës dhe madje i ofruan një periudhë prove në qendrën stërvitore dhe takim me Sir Alex Ferguson.
Sidoqoftë, Dortmund u fut në garë duke përdorur filozofinë shpërblyese këto vitet e fundit dhe rritjen e të rinjve të talentuar, që përdorën Dortmundin si trampolinë.
