Arsenali ka vijuar me “sulmin” për rinovimin me talentët e rinj që ka në skuadër. Bukayo Saka ishte para dy ditësh, ndërsa sot “Topçinjtë” kanë firmosur sërish me Gabriel Martinellin. Ky i fundit ka nënshkruar një kontratë aftagjatë me klubin anglez.
Anglezët nuk bëjnë të ditur se për sa vite është firmosur kontrata e re me brazilianin. Ky i fundit u afrua merkaton e verës së kaluar nga Ituano. Ai ka shënuar 10 gola në 26 paraqitje me londinezët. Shifra impresionuese këta për 19-vjeçarin.
Sulmuesi është përshtatur shpejt dhe pritet që në edicionin e ardhshëm futbollistik të ketë dhe më shumë hapësira. Trajneri Mikel Arteta është shprehur mjaft i lumtur për nënshkrimin me futbollistin e ri.
🇧🇷 Gabriel Martinelli has signed a new long-term contract! ✍️
— Arsenal (@Arsenal) July 3, 2020
