“Faleminderit vëlla!”… Me këtë fjali, Franck Ribery, që ndaj Cagliarit zhvilloi një super ndeshje ka mbyllur kështu çështjen dhe frikën e mundësisë për t’u larguar pasi shtëpia e tij ishte skena e vjedhjes për dy hajdutë.
Sulmuesi i Fiorentinës ka falënderuar ditën e sotme mikun e tij Sebastien Frey për mbështetjen që i ka dhënë ditët e fundit. Ish-gardiani i Fiorentinës deklaroi se francezi është një hero për qytetin dhe nuk mund ta konsiderojnë si tradhtar.
“Vëllai im të falënderoj shumë. Ti më njeh mua, më njeh se nga vij dhe e di shumë mirë se nuk jam nga ata që kundërpërgjigjem. Unë bëj atë që them. Mendoj se tifozët janë me mua dhe më duan në ekip. Pjesa tjetër nuk më intereson shumë. Unë kam ardhur këtu për Fiorentinën e vërtetë. Viola përgjithmonë”, mbyll Ribery.
