Paraqitja e jashtëzakonshme e Zlatan Ibrahimovicit në sfidën ndaj Sampdorias në transfertë, ku shënoi dy gola (1-4) ka mrekulluar edhe futbollistin më të shtrenjtë në qarkullim, francezin Kylian Mbappe.
“Ylli” i PSG-së nuk ka ngurruar ta komplimentojë gjigantin suedez nëpërmjet një postimi në Twitter:
“Po shoh përsëritjen e ndeshjes së Milanit… Çfarë lojtari Zlatan. 38 vjeç! Për mua është gjithçka, natën e mirë djema!
Fjalë të ëmbla të sulmuesit të kampionëve të Francës për veteranin suedez, që ka thuajse dyfishin e moshës së tij.
Në fakt, prej kohës ata kanë vlerësim të ndërsjellë. Kujtojmë që në një intervistë të vitit 2019, Zlatan u shpreh se Kylian Mbappe ishte futbollisti i tij i preferuar.
