Trajneri i Interit Antonio Konte do ta lërë pushim Romelu Lukakun në ndeshjen ndaj Spalit, ku “Sky Sport Italia” zbulon se sulmuesi nuk do jetë as në stolin e rezervave. “Sky Sport Italia” konfirmon mungesën e belgut, ku ish-sulmuesi i Mançester Junajtid nuk ka udhëtuar fare me skuadrën në Ferrara.
Lukaku pritet të jetë i gatshëm në sfidën ndaj Romës. Përsa i përket sfidës së sotme ndaj Spalit, Sançez dhe Martinez pritet të formojnë dyshen e sulmit, me Eriksen që do i mbështesë mbrapa në mesfushë.
Në kampin e Spalit ka një mungesë shqiptare, pasi portieri Berisha do mungojë pasi është i dëmtuar.