Sevilja ka konfirmuar nënshkrimin me Suson nga Milani për 24 milionë euro. Në një deklaratë në uebsajtin zyrtar të klubit spanjoll konfirmohet se Suso ka hedhur firmën në kontratë për 5 vite.
Sevijla ishte e detyruar të blinte Suson, pasi siguruan kualifikimin në Ligën e Kampionëve për seszonin tjetër dhe kjo ishte një klauzolë e veçantë që ishte arritur mes dy klubeve. Suso u transferua tek Sevilja në janar nga Milani në formën e huazimit, dhe luajti 19 herë me skuadrën spanjolle ku shënoi një gol dhe dha një assist. Ky operacion ishte shumë fitimprurës për Milanin pasi kuqezinjtë e morën nga Liverpuli për vetëm 1.3 milionë euro dhe tani e shitën për 24 milionë euro.
Suso zhvilloi 153 ndeshje për Milanin, ku shënoi 24 gola dhe dha 36 asiste.